UMTHETHOSISEKELO WERIPHABHULIKI ENINGIZIMU AFRIKA

免費的英語編程THE GREAT規範性法律共和國

IRiphabhuliki yaseNingizimu Afrika:

Izilimi ezisemthethweni eRiphabhuliki iSepedi, iSesotho, iSetswana, iSiswati, iTshivenda, iXitsonga, isiBhunu, isiNgisi, isiNdebele, isiXhosa nesiZulu.

IRiphabhuliki yaseNingizimu Afrika ingumbuso ozimele wentando yeningi owesekwe phezu kwezibopho ezilandelayo:

Isithunzi sobuntu, ukuzuza ukulingana nenqubekela phambili yamalungelo esintu nenkululeko.

Ukungabandlululi ngokobuhlanga nangokobulili.

Ubukhulu bomthethosisekelo nokubusa komthetho.

Ilungelo lokuvota kwabobonke abantu abadala, uhlu lwabo bonke abavoti, ukhetho olwenziwa njalo ngezikhathi ezimisiwe nohlelo lwamaqembu amaningi kuhulumeni wentando yeningi, ukuze kuqinisekiswe ukubhekelela, ukunakekela nokuvuleleka.

Ubukhulu boMthethosisekelo

Lo Mthethosisekelo ungumthetho omkhulu weRiphabhulikhi; umthetho noma isenzo esingahambisani nawo asikho emthethweni, futhi izibopho ezibekwe yiwo kufanele zilandelwe.

Ubuzwe

Ubuzwe bezakhamuzi zaseNingizimu Afrika buyafana.

Zonke izakhamuzi -

zinegunya elilinganayo lokuthola amalungelo, ilungelomvume nezinzuzo zobuzwe; futhi

zethweswe ngokulinganayo izibopho nemithwalo ehambisana nobuzwe.

Umthetho kazwelonke kufanele uhlinzekele ukutholakala, ukulahlekelwa nokubuyiselwa kobuzwe.