Таърихи асрхои миена (синфи 6)

Tarihi asrhoi米娜（興富6）

Хонандагони азиз!

Шумо дар синфи 5 таърихи дунёи қадимро омӯхта, дар бораи

халқу давлатҳои он замон маълумоти пурқимат ба даст овардед.

Ин донишҳо ба шумо барои фаҳмидани таърихи асрхои миёна, ки

омӯзиши онро оғоз менамоед, кумак мерасонанд.

Китоби дарсии таърихи асрҳои миёна, ки шумо дар даст доред,

аз оғози асри III то нимаи дуюми асри ХУ-ро дар бар гирифта,

яке аз марҳалаҳои муҳимтарини таърихи башарро инъикос

менамояд. Дар ин китоб бо халқу давлатҳое вомехӯред, ки нисбат

ба халқу давлатҳои дунёи қадим дар марҳалаи баландтари пешрафт

қарор доштанд.

Давлатҳои асримиёнагиро феодалӣ - мулкдорӣ ном мебаранд,

чунки дар онҳо ҳокимияти подшоҳӣ, королӣ, императорӣ

ва ё султонии меросию мутлақ буда, ашрофон соҳибони асосии

замину дороии дигар буданд. Сохти феодалӣ дар ҳар як давлати

асримиёнагӣ, ғайр аз нишонаҳои умумӣ, хусусиятҳои хоси худро

дошт, ки ба онҳо ҳангоми омӯзиши китоби дарсӣ шинос мешавед.

Дар ин қисмати таърихи умумӣ ба давлатҳои машҳури асрҳои

миёна диққати калон дода шудааст. Онҳо симои воқеии ин давраро

муайян намудаанд. Дар байни онҳо Сосониён, Ҳайтолиён,

Хоқонии Турк, давлати Франк, империяи Карли Кабир, империяи

Византия, Хилофати Араб, Сомониён, давлатҳои Чин,

Х,индустон, Ғазнавиён, Хоразмшоҳиён, Ғуриён, Куртҳои Ҳирот,

империяи Муғул, Фаронса, Англия, Олмон, Русия, империяи Темуриён,

Сафавиёни Эрон, Султонии Туркҳои Усмонӣ, Темуриёни

Ҳинд ва давлатҳои Амрико ҳастанд.

Дар китоби дарсӣ ба шумо оид ба муносибатҳои

байниҳамдигарии давлатҳои асримиёнагй, идораи давлат,

масъалаҳои ҷанг ва сулҳ, рушди кишоварзӣ, касбу хунар, тиҷорат,

ба вуҷуд омадани олоти нави меҳнат, корхонахо ва пешрафти

илму фарҳанг маводи фаровон пешниҳод карда шудааст.

Хуллас, таърихи асрҳои миёнаро омӯхта, шумо аз он

ҷиҳатҳои гуногуни ҷомеаи асри миёнаро дарёфта, донишу малака

ва ҷаҳонбинии худро васеъ хоҳед кард.