BNR 100

Аўдыягід па Мінску. Прысвечаны 100-годдзю абвяшчэння БНР

БНР100: Аўдыягід па Мінску. Прысвечаны 100-годдзю абвяшчэння Беларускай Народнай Рэспублікі. Аўдыягід правядзе па мясцінах Мінску, якія звязаныя з БНР.

У экскурсіі наступныя кропкі: месца Курлоўскага расстрэлу (Прывакзальная плошча), друкарня Грынблата, Купалаўскі тэатр, дзе адбыўся Першы Усебеларускі з’езд, будынак Рады БНР на Архірэйскім панадворку, будынак ураду БНР (дом мінскага губернатара на плошчы Свабоды), Дом Незалежнасці па вуліцы Валадарскага, 9, дзе 25 сакавіка 1918 года была абвешчана незалежнасць БНР і іншыя кропкі, звязаныя з гісторыяй і асобамі БНР.

Аўдыягід даступны на беларускай і англійскай мовах.