Ислом террорни лаънатлайди

Аллоҳ тинчлик диёри – жаннатга даъват этади ва тўғри йўлга ҳидоят қилади.

Бисмиллаҳир роҳманир роҳийм.

Оламлар Парвардигорига ҳамдлар, Унинг расули Муҳаммадга ва у кишининг оила аъзолари ҳамда саҳобаларига дуруду саловотлар бўлсин.

Минг афсуски, ХХИ аср инсоният учун оғир синовлар билан бошланди. Гўёки, Ислом динига дахлдор бўлган бир гуруҳ кимсалар томонидан амалга оширилган хуружлар оқибатида бир неча минг бегуноҳ инсонлар даҳшатли тарзда бевақт оламдан ўтди. АҚШ, Филиппин, Индонезия ва Яқин Шарқ ерларида хунрезликлар муқаддас Ислом динимиз номидан ҳамон давом эттирилмоқда. Эътиборингизга тақдим қилинаётган мазкур мўъжаз китобча ана шу ва бошқа қатор долзарб масалаларга Аллоҳнинг каломи – Қуръони мажид ҳамда Пайғамбарнинг (с.а.в.) ҳадиси шарифларидан келиб чиққан ҳолда ойдинлик киритиш йўлида камтарона уринишдир.

Аллоҳ тинчлик диёри – жаннатга даъват этади ва Ўзи хоҳлаган зотларни тўғри йўлга ҳидоят қилади.

Юнус сураси, 25-оят

Ҳорун Яҳё

ИСЛОМ ТEРРОРНИ ЛАъНАТЛАЙДИ

Таржимон: Аҳмад Муҳаммад Турсун, Масъул муҳаррир: Дилмурод Қўшоқов,

Ношир: Мубашшир Аҳмад, Бадиий муҳаррир: Ихтиёр Саид, © “МУТАРЖИМ” 2003