Հայոց պատմություն

Армянский язык (Հայերեն) / Русский язы

(Русский)

История Армении — история Армении как государства и историко-географического региона с доисторической эпохи до наших дней. История сформировавшегося армянского народа берет начало по меньшей мере с VI века до н. э. и насчитывает более 2500 лет. Процесс же формирования армянского народа начался ещё с XIII века до н. э.

(Հայերեն)

Հայաստանի պատմություն, ընդգրկում է ժամանակակից ազգային պետության՝ Հայաստանի տարածքի պատմությունը այնքանով, որքանով հայ ժողովուրդը բնակվել է և իշխել է այդ և հարակից տարածքներում: Հայերի կողմից տարածքների բնակեցվածության և ինքնիշխանության աստիճանը ժամանակի ընթացքում փոփոխությունների է ենթարկվել, և, որպես արդյունք, Հայաստանի պատմությունը իր բովանդակությամբ առաձգական է:

Գլխավորապես, Հայաստանի պատմությունը բաժանվաում է հետևյալ ժամանակաշրջանների.

Հնագույն շրջան, անհիշելի ժամանակներից մինչև Վանի թագավորության անկումը

Հին շրջան, Երվանդունիների թագավորության կազմավորումից մինչև քրիստոնեության հռչակումը պետական կրոն

Միջնադար, քրիստոնեությունը պետական կրոն հռչակելուց մինչև հայ ազգային-ազատագրական շարժման վերելքը (վաղ, զարգացած և ուշ միջնադար)

Նոր շրջան, սկսվում է հայ ազատագրական շարժումներով և հասնում մինչև Հայաստանի առաջին Հանրապետության հռչակումը։

Նորագույն շրջան, ընդգրկում է Հայաստանի առաջին, երկրորդ և երրորդ Հանրապետությունների, ինչպես նաև ԼՂՀ պատմությունը

Հայ ժողովրդի պատմությունը հասել է 21-րդ դար՝ վերականգնելով իր անկախությունը՝ ի դեմս Հայաստանի Հանրապետության և Արցախի։ Նրա հարևանությամբ ապրող շատ ժողովուրդներ, որոնք անգամ կայսրություններ են հիմնել, ընդմիշտ անհետացել են պատմության թատերաբեմից։

Ազատագրական պայքարը եղել է հայոց պատմության մշտական ուղեկիցը՝ անկախությունը կորցրած ժամանակաշրջաններում։ Հայոց հոգևոր և նյութական մշակույթը լեցուն է ազատագրական պայքարն արտացոլող գործերով։ Հայ ժողովրդի հերոսական պայքարի գնով ազատություն ձեռք բերեց արցախահայությունը ։