Cesirijala

Вот 20 стихотворений в Диуле, написанных Адамой ДРАМЭ, Уагадугу, Буркина-Фасо.

Sɛbɛɲabila

Nne ka kɛ poyigafe nin sɛbɛɲabila sɛbɛnbaga ye, o ye nunsɔdiya ni bonyaba le ye. Kuma fɔlɔ min bi n fɛ, o ye foli ye. Kɔrɔ Daramɛ ka kan ka fo, k’a waleɲuman lɔn. A ka ca saan bisaba ye, kɔrɔ Daramɛ b’a seen kan suu ni tile julakan sɛbɛnni yiriwaliko ra. A ye mɔgɔ caaman kalan julakan kalan n’a sɛbɛnni na.

A bolonɔ bi kibaruyadisɛbɛ fasoɲɛtaga ni hakilifalen caaman kɔnɔ. A ye tubabukan gafe sɛbɛ caaman bayɛlɛma julakan na. A ye tali kɛ Burukina Faso seko n’a lɔnko caaman na, ka kunkɔrɔta sɔrɔ. Poyi caaman le sɛbɛnni bɛ ka bila kɔrɔ Daramɛ fɛ. A y’olu deen daman le sugandi k’o kɛ gafe nin ye. Poyigafe bɔli ye kokura le ye, waleɲumanba, min bina julakanfɔla bɛɛ nunsɔdiya. Kɔrɔ Daramɛ ka gafe wɛrɛw labɔ, o le ka di an bɛɛ ye, o le bena kɛ sababu ye julakan sɛbɛnni be yiriwa. Bɛɛ ka gasimansɔrɔ la kɔrɔ Daramɛ ye. Daramɛ i ni ce loon bɛɛ.