Аёлларга ҳос масалалар

Ayollarning diniy liboslari va ularni ishlab chiqarishdagi masalalarigacha

Дунё яратилгандан то ҳозирги кунгача Замин не-не даврларни, не-не тузумларни кўрмади. Жамият доим ривожланган, янгиланган, ўзгарган. Албатта бу ўзгаришлар инсон онгини шакллантириб, унга ҳар тарафлама таъсир ўтказиб келган. Хусусан жамиятнинг ривожланиши мобайнида турли динлар ва ғоя-мафкуралар давлат сиёсатида ҳукмронлик қилиб, аёлларга муносабат ўзгариб турган.

Ислом дини жаҳонга тарқалиб, Оврўпа мамлакатларида ҳам мусулмонлар кўпайгач, аёллар муаммоси нозик масалага айланди. Аёлларнинг диний либосларда юришидан тортиб, то ишлаб чиқаришдаги иштироки масалаларигача бир қанча муаммолар, турли хил фикрлар, Исломга ҳар хил ёндашувлар натижасида инсонлар ўртасида ихтилоф-зиддиятлар, ҳатто мусулмонлар орасида фитналар келиб чиқди. Бу муаммолар ҳозирги кунда, Ислом ўзининг яна бир янги босқичига кўтарилган пайтда жамиятда ўта долзарб бўлиб турибди. Бу муаммоларни ҳал қилишнинг турли хил йўллари тақдим қилиняпти.