Kolore mataza

The Colour Matador Story richt zich op de wereld van mensenrelaties.

Kolore mataza ipuinak pertsonen arteko harremanen mundua lantzen du.

Izan ere, mataza batean bizi gara, kolore guztietako hari zein artileak dituen mataza zoragarri batean. Gorriak, berdeak, urdinak edota moreak, denak elkarrekin nahasten dira, harremanak sortuz, lotuz eta askatuz. Guztia da posible harien artean.

Hala, ipuinaren bidez hari mataza horretan gerta daitezkeen hainbat egoera edo testuinguru mahai-gaineratu nahi dira, haurrek zein helduek ulertzeko moduko hizkuntza batean kontatua:

· Gertaera desatseginen aurrean barruan sortzen zaizkigun korapiloak eta berauek nola askatu.

· Helduok haurrei ematen dizkiegun aginduen mundua eta eurekin jolastearen garrantzia.

· Haurren etengabeko galderen aurrean helduek ulertu beharrekoa: Galderak elkarrekin goxo-goxo egoteko aukerak dira.

· Mundua norbanako ezberdinez osatua egotearen edertasuna.

· Harremanetara irekitzeak zabaltzen dituen aukera infinituak.

· Bakoitza den bezalakoa izatearen garrantzia.

Hari horiek guztiek mezu bakarra osatzen dute:

Goza dezagun koloreez eta sor ditzagun harreman berriak gure inguruko hari guztien artean!

Deskargatu APPa eta errealitate areagotuaren bidez, sakondu kolore matazak eskaintzen dizkizun irakurketa desberdinetan.