تاواني غەیبەت کردن

ئه‌پلیکه‌یشنی تاوانی غه‌یبه‌ت‌کردن

پێشەکی

برایان و خۆشکانی زۆر بەرێز........ لەڕاستیدا بەپێویستم زانی لە خزمەتی بەرێزتاندا بابەتێکی وا پێشکەش بکەم کە گومانی تێدانییە بەشێکی زۆرو بەر بلاوی کۆمەڵگەی داگیرکردوەو هۆکارێکی گرنگیشە بۆ لە ناوبردنی چاکەکان، بۆیە ئەو تاوانەش (غەیبەتە) کە بەڕاستی پەڕەی ناسکی دڵ دەژاکێنێ و دەشبێتە هۆی پەیدابوونی رق و کینەو بوغز لە نێو موسڵماناندا هەورەها ئەنجام نەدانی غەیبەت و خۆگرتنەوە لێی ڕاستە بەدەم کارێکی ئاسانە بەڵام بەکردەوە زۆری دەوێت گرانیشە بۆیە ئەی ئەوانەی بە نهێنی ئازاری خوشکان و برایانی موسڵمان دەدەن لە خوا بترسن و پەشیمان ببنەوە چونکە بەڕاستی لە ڕۆژی دوایدا دەبنە هەڵگری کۆڵێ تاوانی ئەوان هیچی تر، خۆشەویستانم گومانی تێدانییە کە غەیبەت بە زمان دەکرێت هەندێ جاریش بە ئیشارەت و شتی تر بەڵام ئەوەی مەبەسته لێرەدا تەنها زمانەکەی، زمان: ئەو ئامێرە گۆشتینەیە کە خوای مهیرەبان بە خشیویەتی بە مرۆڤەکان هەرچەندە کە ئامێرێکی قەبارە بچووکە بەراستی بەشکی گەورەی باوەڕیشی لەسەر بەندە، بەڕاستی بەرێزانم کاتێک خەڵکی لە ڕۆژی دواییدا لەسەر دەم و چاویان ڕاپێچی دۆزەخ دەکرێن تەنها بەهۆی زمانەوەیە کەواتە بیپارێزە، وەبشز انە کە پێغەمبەری خوا(صلی الله علیە وسلم)ترسێن ترین ترس کە لێی ترسابێت زمان بووە بۆیە براو خۆشکی بەڕێزم ..... زۆر پێویستە کە موسڵمان ئەوە بزانێت کە زمان گەورەترین ئالەتە بەدەست شەیتانەوە بەوەی کە چۆنی بووێت ئاوا دەیگێرێت ئەویش بەوەی ڕۆچوون لەهەر تاوانێکدا کردنەوەی دەرگایەکە بە ڕووی شەیتاندا هەر بۆیە پێغەمبەری

خوا(صلی الله علیە وسلم) هۆگرو چاکەی مرۆڤی بەستۆتەوە بە زمانەوە هەروەک دوە

( لا يَسْتَقِيمُ إِيمَانُ عَبْدٍحَتَّى يَسْتَقِيمَ قَلْبُهُ ، وَلا يَسْتَقِيمُ قَلْبُهُ حَتَّى يَسْتَقِيمَ لِسَانُهُ)مسند (۱۳۳۸۹) سلسة الا حادیث الصحیحة ( ۲۸٤۱)

واتە: بیرو باوەڕی هیچ کەسێک دانامەزرێت هەتاکو دڵی دانەمەزرێت وەدڵیشی دانامەزرێت هەتاوەکو زمانی دانەمەزرێت کەواتە زۆر پێوێستە ئاگاداری زمات بێت چونکە لێکدەرەوەی باوەڕتە هەڵگری نهێنیە کاتی ناختەزمانت بپارێزە باوەڕت پارێزراوە.