Тарзи хаёти солим ( синфи 3-4)

SOLIM Tarzi Hayoti（Xingfu 3-4）

Китоби мазкур барои гузаронидани дарсҳои тарбиявӣ дар

муассисаҳои таҳсилоти умумӣ таҳия гардида, роҳбарони синф

метавонанд ҳангоми таҳияи нақшаи корӣ вобаста ба шароити

маҳал ва синну соли хонандагон мавзӯъҳои заруриро интихоб

намоянд.

Барои ҳифз ва беҳтар кардани ҳолати саломатӣ, ки аҳамияти

аввалиндараҷа дорад, тарзи ҳаёти солим (ТҲС) нақши асосӣ

мебозад.

Барномаи тарзи ҳаёти солим шуморо бо қоидаҳои нахустини

тозагию бехдошт, роҳҳои нигохдорию муҳофизат ва беҳтар

кардани ҳолати саломатӣ, сабабҳои пайдоишу пешгирии бемориҳои

сироятӣ ва роҳҳои шакл гирифтани ҳаёти солим шинос

мекунад. Бо мутолиаи ин дастур шумо хоҳед фаҳмид, ки

муҳити атроф ба саломатии шумо чӣ тавр таъсир мерасонад.

Тани сиҳату солим доштан ба худи шумо вобаста аст.

Олимон исбот кардаанд, ки солимии инсон 50% ба тарзи

ҳаёт, 20% ба ирсият, 20% ба муҳити зист ва 10% ба системаи

тандурустӣ вобаста аст.

Омӯзиш ва таълиму тарғиби ТҲС, ки асосашро малакаҳои

зарурии ҳаётӣ ташкил медиҳанд, метавонад саломатии кӯдакону

наврасонро ҳифз намояд ва дар зиндагии минбаъдаи онҳо

таъсири мусбат расонад.

Чаро дар бораи саломатӣ ғамхорӣ кардан зарур аст? Саломатӣ

боигарии асосии инсон мебошад. Масалан, тозагии хона,

рӯҳи солим - ҳолати хуби саломатиро таъмин менамояд. Макони

зист, маҳаллае, ки зиндагӣ мекунед, як гӯшаи Ватан аст.

Тозагию бунёди боғу гулзор дар ҷойи зист на танҳо ба саломатии

шумо, балки ба ҳамаи одамони атроф манфиат мебахшад.

Саломатӣ гавҳари ноёб аст ва барои ҳифзи он кору мубориза

бояд кард.