Достони Рустам ва Сӯҳроб

Dostoni रुस्तम va Sӯҳrob

РАЗМИ РУСТАМ БО СЎҲРОБ

Ба овардгаҳ рафту найза гирифт,

Ҳаме монда аз гуфти модар шигифт.

Яке танг майдон фурў сохтанд,

Ба кўтоҳнайза ҳаме бохтанд.

Намонд эч бар найза банду синон,

Ба чап боз бурданд ҳар ду инон.

Ба шамшери ҳиндӣ баровехтанд,

Ҳаме з-оҳан оташ фурў рехтанд.

Ба захм - андарун теғ шуд рез-рез,

Чӣ захме, ки пайдо кунад растахез.

Гирифтанд аз он пас амуди гарон,

Ҳаме кўфтанд он бар ин, ин бар он.

Зи нерў амуд андаромад ба хам,

Чамон бодпоёну гурдон дижам.

Зи аспон фурў рехт баргустувон,

Зиреҳ пора шуд бар миёни гавон.