AET

अर्घाखाँची जिल्लाको सदरमुकाम सन्धिखर्क नगरपालिका वार्ड नं.०२, बेलाबाटिकामा अवस्थित अर्घाखाँची आवासीय उच्च माध्यामिक बिद्यालय यस जिल्लाको शैक्षिक उत्कृस्टताको केन्द्रको रुपमा लामो समय देखि चिर-परिचित छ | २०४५ सालमा स्थापित यो विद्यालयले बिक्रम सम्बत २०५४ सालदेखि उच्च माध्यामिक शिक्षा परिषद् बाट समबंधन प्राप्त गरि उच्च माध्यामिक तहका कक्षाहरु संचालन गर्दै आएको छ | यस विद्यालयको ब्यबस्थापन २०६० सालदेखि अर्घाखाँची शैक्षिक गुठिद्वारा हुँदै आएको छ | अर्घाखाँची जिल्लाको शैक्षिक क्षेत्रमा बिशिष्ट पहिचान बनाएको अर्घाखाँची अर्घाखाँची आवासीय मा.बि. को सफल ब्यबस्थापन र संचालनको सफल अनुभवलाई अर्घाखाँची शैक्षिक गुठीले उच्च शिक्षाको क्षेत्रमा सदुपयोग गर्दै जिल्लाको उच्च शिक्षाको गुणात्मक बिकासमा सहयोग पुर्याउने हेतुले २०६४ देखि शिक्षा क्याम्पसको समेत स्थापना र संचालन गरेको छ |

यस विद्यालयको मुख्य उद्देश्य अत्याधुनिक ,बैज्ञानिक शिक्षण बिधि र शैक्षिक प्रबिधिको प्रयोगबाट अर्घाखाँची र छिमेकी जिल्लाका बिद्यार्थी हरुलाई सुलभ र गुणस्तरीय शिक्षा प्रदान गर्नु हो | स्थापनादेखि नै यसले उच्च माध्यामिक तहमा शिक्षा शास्त्र र मानविकी बिषय समूह अन्तर्गत विभिन्न बिषयहरुको अध्यापन गराउंदै आएकोमा २०७२ देखि अंग्रेजी र नेपालि दुवै माध्याममा ब्यबस्थापन बिषयको समेत अध्यापन सुरु गरेको छ |

यो बिद्यालय निजि क्षेत्रबाट संचालित संस्था भएतापनि पूर्ण रुपमा मुनाफारहित संस्था हो | यसले उच्च क्षिक्षाको क्षेत्रमा न्युनतम शुल्कमा गुणस्तरीय कार्यक्रमहरु संचालन गरि आफ्नो सामाजिक उत्तरदायित्व बहन गरिरहेको तथ्यले पनि यस सत्यले पुस्टि गरेको छ | यस शक्षिक संस्थामा योग्य , अनुभबी र कर्तब्यनिष्ठ शिक्षकहरु बाट उत्कृस्ट शैक्षिक वातावरणमा अध्यापन हुनुका साथै उपयुक्त पुस्तकालय , खेलकुद , अतिरिक्त क्रियाकलाप तथा कम्पुटर शिक्षा आदिको ब्यबस्था गरिएको छ | आज हामीहरु गर्बका साथ् यो तथ्य लाई उल्लेख गर्न चाहन्छौं कि, हाम्रो संस्थाको सम्पूर्ण जनशक्तिले बिद्यालय तहदेखि विश्व-बिद्यालय सम्मको शिक्षामा अर्घाखाँची जिल्लामा सर्बोउत्कृस्टता प्रदशन गर्न सफल भएको छ | तसर्थ, यस विद्यालयले लिएका उद्देश्य र कार्यक्रमहरुको सफलताको लागि सम्पूर्ण शिक्षाप्रेमी माहानुभावहरु, बुद्दिजिबिहरु, शिक्षक, बिद्यार्थी तथा समस्त जनसमुदायमा बिद्यालय परिवार सहयोगको हार्दिक आग्रह गर्दै गुणस्तरीय शिक्षा प्रदान गर्ने कार्यामा आफ्नो प्रतिबद्धता ब्यक्त गर्दछ |

हाम्रा विशेषताहरु :

१. योग्य, दक्ष तथा अनुभबी शिक्षकहरुद्वारा अध्यापन गराईने |

२. गरिब, जेहेन्दार, पिछडीयका वर्ग, द्वन्दपिडित तथा शहिदका छोराछोरीलाई छात्रवृतिको ब्यबस्था |

३. शान्त, मनोरम तथा बिद्यार्थी मैत्री वातावरण |

४. येथेस्ठ पाठ्यपुस्तक, सन्दर्भ सामग्री र पत्र- पत्रिका सहितको उपयुक्त पुस्तकालयको ब्यबस्था |

५. प्रयाप्त खेलमैदान, प्रयोगशाला, उपचार कक्ष तथा चमेनागृहको व्यवस्था |

६. अडियो-भिजुअल माध्यमबाट अध्यापन गराईने |

७. नियमित बिद्यार्थी मूल्यांकन,परामर्श, पृष्ठपोषण र अतिरिक्त कक्षाहरुको ब्यबस्था |

८. सर्बोउत्कृस्ट विद्यार्थीको लागि रोजगारीको ब्यबस्था |