ПИСАРИ ВАТАН

皮萨列夫瓦当

ДОСТОН. МИРЗО ТУРСУНЗОДА

ПИСАРИ ВАТАН

Падар мезад нишаста назди фарзанд,

Варақ заррин китоби ҳикмату панд.

Ба ӯ мехонд дарси навҷавонӣ,

Саросар достони қаҳрамонӣ:

Гаҳе аз мардии Фарҳод мегуфт,

Гаҳе аз Хусрави бедод мегуфт;

Гаҳ аз виҷдони Лайлии гуҳарпок,

Гаҳ аз фарёди Маҷнуни ҷигарчок;

Гаҳ аз Заҳҳоки морон достоне,

Гаҳе аз ҷанги Оҳангар баёне;

Ба фарзандаш падар мегуфт такрор,

Ки ин панди маро дар гӯши худ дор,

Дар ин дунё ҳар он чизе, ки дидам

Ҳар он чизе, ки аз мардум шунидам,